Jadid Nokat

واحد طبيب بيطري جا يخطب واحد البنت . سولو باها قالو : نتا معروف ؟؟ قالو وايلي تانتا , ماكاينش شي حمار فالمغرب ماتيعرفنيش

هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش

هادا واحد عندو الدجاج و كيوكلهم القمح و الشعير و واحد الملرة جاو عندو البوليس و قالو ليه اش كتوكل لدجاج ديالك قا ليهم القمح... قالو ليه مزيان ناس كيموتو بالجوع و انت كتوكل... سلخوه و جاو عندو مرة اخري و قالو ليه نفس السوال قال ليهم الزبل و الوسخ--حاشاكم-- و قالو ليه بغيتي تمرد الناس سلخوه تاني مزيان المرة التالتة قالو نفس السوال قال ليهم كنعطيهم اللفلوس يشريو بوحدهم هههه

قالك هدا واحد الراجل كان جالس مع اصحابوا وكيعاود ليهم قالهم انا كنت كنحكي لزوجتي قصة المغامرون الثلاثة وهي تولد ليا ثلاثة ديال التوائم وهو ينوض واحد صاحبوا كيجري من حداهم قالوا ليه مالك كتجري قاليهم ويلي ويلي خليت مراتي قتقرى فقصة علي بابا والاربعين حرامي هههههههههه

هذا واحد الراجل كان غادي فالطريق أهو يضرب واحد القرعة ماشافهاش ا جرحاتو في صبعو مشا كيجري عند الطبيب قال ليه شوف كيف دير تحبس هاد الدم مشا الطبيب جاب ليه التقطيرة ديال العينين بغا يديرها ليه فعينو قال ليه انا مضروب فصبعي ماشي فعيني قال ليه الطبيب كون كنتي كاتشوف كاعما تضرب القرعة

في رمضان هذا واحد الراجل بغا يخرج الفلوس من البنك حط الموطور حدا البنكة ملي خرج لقى الموطور طيروه ليه لعديان مابان ليه مايدير خشا يدو فجيبو لقا غير الكارو اهو يشعلو ا بدا يكمي تجمعو عليه الناس ا بداو تيقولو أويلي كايكمي الكارو ف رمضان قال ليهم الكارو شتوه ا لموطور ما شفتو شكون اللي داه أولاد الحرام

واحد المرأة ركبات مع طاكسي صغير ملي وصلها سولاتو: شحال الثمن ؟؟ قال ليها10 دراهم .. وهي تعطيه 5 دراهم قال ليها :الوالدة اش هادشي..!! قالت ليه ونتا اوليدي باغي تركب فابور 5 ديالي و5 ديالك

محشش كا تمدح فيه خطيبتو كاتقوليه:انت بطل شجاع وفارس الفرسان قالها : فراسك واش كنت شهيد فحرب الاستقلال

قاليك هدا واحد الراجل ادخل واحد القهوة وهو يقول ليهم اللي مكيخافش من مراتوا يخرج كلشي اهرب حتى مول القهوة الا واحد الراجل بقى جالس وهو يقول ليه مالك انت مهربتيش بحالهم واش مكتخافش من مراتك قاليه لا راه مراتي قالت ليا متحركش من بلاصتك حتى ارجع ليك

هادا الجماني مثل المغرب فالقمة العربية، المهم كل واحد قال الكلمة ديالو، أو الجماني كالس تيتسنى متى تسالي القمة ضرو الجوع، أو شوية طلب الكلمة، عطاوه إهضر : قاليهم : الوحدة ناضوا كلهم تايصفقوا ملي سالاو قاليهوم باقي ماتغديناش